AQUIS QUERQUENNIS
En Porto Quintela, no Concello de Bande, a só 8 km. da capital do municipio, localízase o complexo arqueolóxico romano Aquis Querquennis.
As intervencións levadas a cabo ata o día de hoxe permiten diferenciar o Campamento militar, un dos máis importantes, escavados, na península ibérica así como a mansión Viaria e a pousada de viaxeiros.
Atravesa o lugar a Vía Nova ou Vía XVIII, calzada romana principal, que unía Braga e Astorga. Hoxe en día converteuse nun camiño natural que se pode percorrer a pié ou en bicicleta.
O VAL DO ARNOIA
O Arnoia, aínda que é afluente do Miño, constitúe unha subcutánea propia e inicia o seu percorrido no termo de A Merca, tras cruzar un auténtico canón (Muíño dos Mouros-Salpurido) con cascadas, e a partir de Rubillós comeza a escavar un val.
Recibe pola dereita os arroios de Os Muíños, Seixoso, Covo e Portamosqueiro, e pola esquerda, o Fechiñas, Corvillón, Pardavedra e Entrambosríos.
IGREXA DE SAN PEDRO DE A MEZQUITA
Igrexa de San Pedro de A Mezquita, declarada Monumento Nacional no ano 1931, románica con elementos de transición ao gótico. É de planta lonxitudinal e unha sola nave, con contrafortes e delimitada por unha imposta que percorre todo o edificio, baixo a que se atopa unha sucesión continua de modillóns que representan animais simbólicos (lobo, serpe), antropomorfos e nun so caso unha roseta; remata nun piñón sobre o que se dispón un Agnus Dei e unha cruz antefixa (o cordeiro mira para o Norte, feito insólito en Galicia).
Dúas imaxes velan a entrada no ángulo da cornixa e contrafortes: San Pedro, patrón, coa chave na man dereita e a outra pode ser Santa Ana ou a Virxe. Baixo os contrafortes unha loba amamantando aos seus lobetos e un lobo que devora un cordeiro. No segundo corpo da fachada ábrense dúas ventás superpostas; a inferior, entre a portada e o rosetón, é de arco de medio punto axadrezado e a superior é un simple portelo sobre a cornixa.
O rosetón está decorado con motivos florais da corrente santiaguesa. A portada sur, ademais de dúas ventás de arco de medio punto con belos capiteis, mostra dous leóns que apoian as súas patas dianteiras sobre un cordonciño dun canastillo, baixo o arco de descarga. O ábside, dividido por altas columnas, con tres ventás e canecillos na súa cornixa, está cuberto por dous teitos de elementos desiguais que alteran as súas medidas en altura e anchura. A nave, comunícase mediante un arco dobremente partido co abside, no que se observan columnas truncadas baixo unha bovedilla.
CANASTROS DE A MERCA
A concentración de Canastros da Merca é a mais grande de Galicia, xa que conta cun total de 34 exemplares, considerándose á súa vez como unha das mais importantes de Europa.
Foron trasladados á localización actual na década dos anos 70 do século pasado nunha iniciativa promovida pola administración pública coa colaboración cos veciños. A disposición dos canastros mantén unha orientación similar co lado maior da cámara, paralelo as curvas de nivel e cunha diagonal, dirección Norte – Sur.
Dispóñense en filas continuas que o mesmo tempo adáptanse as condicións do solar. Os materiais son os característicos destas construcións: pedra, madeira e tella. A pedra úsase en os soportes, xa sexan estes ( tronco- cónicos ou tronco- piramidais ) ou cepas ( trapecio invertido ). Sendo a madeira o material utilizado para a formación da cámara, puntones e lata. A cuberta resólvese con tella cerámica curva. Chegaron a rehabilitarse na súa totalidade excepto un deles, do que quedou só os soportes. Estímase, que a súa construción na maior parte dos casos é de principios do século XX.
ROTEIRO O MIRADOIRO (PENAGACHE)
O roteiro pode realizarse a pé, dacabalo, en bicicleta de montaña ou en todo terreo. O carreiro iníciase diante da casa do concello, lugar onde está colocado o panel explicativo do roteiro. Desde aquí colleremos a estrada dirección Xacebáns, o inicio é sobre asfalto que seguimos aproximadamente durante 2 qm. ata chegar ao cruzamento da estrada que vai desde Bande a Notaria, alí á beira duns almacéns abandonados e medio derruidos, chamados Os Garaxes.
Comentarios recentes