SENDEIRO VIEIRO DAS MAMOAS

O camiño do Vieiro das Mámoas alcanza un total de 49 quilómetros, aínda que é certo que, pola súa lonxitude, pódese comezar e rematar en diversos puntos, como Queguas, Ermita de San Bieito de Grou, San Xes de Vilariño, A. Canle, Outeiro de Augas ou A Fraga. Este itinerario circular avanza pola Serra do Leboreiro, desde a que se contemplan as panorámicas do val do Limia e das serras da Peneda, do Quinxo e do Xurés. Toda a zona é rica en monumentos megalíticos e tamén é habitual atopar fauna autóctona, como vacas cachenas e cabalos garranos.

Mapa interactivo

Datos da Ruta

54,74 Km

22h

Circular

1411 m.

Descarga a ruta

DESCRIPCIÓN:

A senda discorre pola meseta da Serra do Leboreiro, en percorrido circular, polos concellos de Verea, Bande, Lobeira, Lobios e Entrimo.
A ruta ofrece fermosas vistas do val do Limia e panorámicas das serras do Xurés, do Quinxo e da Peneda. Destacan as alturas de Penagache, Pena de Anamán e os ríos Agro e Castro Leboreiro, que unen terras de Galicia e Portugal.

O percorrido transcorre por zonas de matogueira onde é habitual atopar cabalos de Garrano e vacas Cachena, orixinarias do Xurés. Consérvanse mostras de enxeño popular, como foxos e currais, que lembran a difícil convivencia das actividades gandeiras coa fauna. Estas chairas do Leboreiro albergan un gran número de necrópoles e monumentos funerarios megalíticos coñecidos como túmulos ou mámoas.

O sendeiro enlaza coa ruta de Queguas e con varias localidades. Pódese facer unha versión curta do percorrido, a través dun ramal que o divide máis ou menos pola metade.