RUTA 05 CENTRO BTT SERRA DO PISCO
Comparte o mesmo percorrido que a Ruta 3 “Megalítica” ata chegar á ponte que cruza o encoro de Salas, onde seguiremos cara á dereita cara á aldea de Guntumil.
Descrición da Ruta
Deixamos atrás este pequeno pobo de apenas 150 habitantes para iniciar unha longa ascensión por unha ampla pista en perfectas condicións que, pouco a pouco, vai gañando altitude ata chegar ao Refuxio do Pisco, a 1.395 metros de altitude. Dende aquí hai unha boa oportunidade para contemplar unha ampla panorámica do Val do Salas.
Comezamos a baixada cara a Portela de Pitões, na fronteira entre Galicia e Portugal, marcada por un marco de pedra que sinala o límite fronteirizo entre ambos os países, un territorio dominado por antigos contrabandistas e que hoxe ofrece unha espectacular panorámica do Parque Transfronteirizo de Gerês. Xurés, que inclúe case 90.000 hectáreas de territorio protexido en ambos os países.
Chegamos á aldea de Requiás, onde se recomenda visitar o seu forno comunal, antes de regresar á ponte do encoro para cruzala en dirección ás Maus de Salas e compartir os últimos quilómetros polo mesmo percorrido que as Rutas 3 e 4.
