Día 1 TRAVESÍA CENTRO BTT de Lobios a O Corgo

Descrición da Ruta

Hoxe espéranos 38 quilómetros ata chegar ao noso destino final no Encoro das Conchas, no Concello de Muíños. Coa axuda do mapa xeral do Centro BTT e das pistas descargadas no noso GPS, saímos de Riocaldo para dirixirnos cara a Bubaces pola ruta número 9, onde comezamos a gañar altitude en dirección ao Alto de Santa Eufemia.

A medida que avanzamos por unha pista forestal en perfecto estado, gozamos dunha gran panorámica da serra do Xurés e das montañas veciñas de Portugal; Mesmo dende aquí podemos adiviñar a localización da Portela do Home, paso fronteirizo co país veciño.

Unha vez superado este promontorio iniciamos un longo descenso ata enlazar coa ruta 6 “Vía Nova”, que nos leva de volta a Riocaldo, para despois continuar cara aos muíños de Vilameá e continuar a ruta cara a Lobios. Toca recuperar forzas xa que acumulamos bastantes metros de desnivel na primeira parte do día e aínda nos queda un bo tramo de subida cara a Ganceiros.

No seu casco urbano hai varias opcións para tomar un café e comer algo antes de continuar o noso percorrido O Sendeiro Natural da Vía Nova, que comparte ruta coa ruta 6 “Vía Nova”, lévanos ata a aldea de Reparade e, dende alí,. Seguimos a nosa etapa ata chegar á Capela da Clamadoira. Dende esta capela gozamos dunha fermosa panorámica do encoro das Conchas.

Chegou o momento que levamos todo o día agardando: a baixada final cara a Rectoral de San Pedro; un carreiro estreito e técnico moi divertido que leva á estrada e que nos permite percorrer facilmente os últimos quilómetros ata chegar ao Corgo. Nesta localidade espéranos un traslado que nos leva ata As Maus de Salas para pasar a noite.