Miliarios de Riocaldo
Integran esta área de recreo unha serie de fitos viarios pertencentes á nomeada Vía Nova ou Vía XVIII , calzada que unía as cidades de Braccana Augusta e Asturica Augusta.
Trátase de fitos construídos na época dos romanos, situados na fronteira con Portugal, que servían para sinalar as distancias ao longo da Vía XVIII. Pedras cilíndricas que serven para marcar as distancias (en cada milla había un miliario), e moitos deles teñen inscricións nas que se rendía culto ás divindades e ás autoridades. O estudo destas inscricións permite comprender o grao de simbiose entre as divindades locais e as romanas. A existencia de numerosos miliarios nesta zona dá lugar a discusión entre numerosos arqueólogos. Mentres que uns consideran que se debe a que nas proximidades existía un taller no que se elaboraban, outros achacan a súa existencia ao feito de que ao tratarse dunha zona non moi habitada non houbo a necesidade de reutilizalos en obras posteriores.